Қазақстан Республикасының жаңа Конституциясының қабылдануы – еліміздің құқықтық және әлеуметтік дамуындағы маңызды кезең. 2026 жылғы 15 наурызда өткен жалпыхалықтық референдум нәтижесінде қабылданып, 2026 жылғы 1 шілдеден бастап күшіне енген жаңа Негізгі заң азаматтардың құқықтары мен бостандықтарын қорғауға, қоғамның тұрақты дамуына және әлеуметтік салаларды жетілдіруге бағытталған.
Денсаулық сақтау жүйесі – мемлекеттің маңызды басым бағыттарының бірі. Конституцияда адам өмірі мен денсаулығы ең жоғары құндылықтардың бірі ретінде айқындалып, азаматтардың сапалы медициналық көмек алуға құқығын қамтамасыз етуге негіз қалайды.
Жаңа құқықтық өзгерістер денсаулық сақтау саласын одан әрі дамытуға, медициналық көмектің қолжетімділігі мен сапасын арттыруға, заманауи технологияларды енгізуге және халықтың денсаулығын қорғау бағытындағы жұмыстарды жетілдіруге мүмкіндік береді.
Медициналық ұйымдардың басты міндеті – әрбір азаматқа қауіпсіз әрі сапалы медициналық көмек көрсету, пациенттердің құқықтарын сақтау және халық денсаулығын нығайтуға үлес қосу.
Жаңа Конституция – ел дамуының сенімді негізі, ал дені сау ұлт – мемлекеттің басты байлығы. Бірлескен еңбегіміз арқылы денсаулық сақтау жүйесін одан әрі жетілдіріп, халық игілігі үшін қызмет ете береміз.
Өмірзақ НИЯЗБЕКОВ, ШЖҚ «Облыстық жұқпалы аурулар ауруханасы» КМК директоры.
Telegram
Instagram
