«Саны реттеуге жататын жануарлар түрлерін алып қоюға рұқсат беру» мемлекеттік көрсетілетін қызмет бойынша рұқсат қағазын «Е-лицензиялау» порталынан алуға болады
Құрметті Жетісу облысы тұрғындары мен қонақтары!
Қасқыр мен шибөрі жыртқыштары халықтың денсаулығын сақтау, ауыл шаруашылығы және басқа да үй жануарларын аурудан алдын ала қорғау, ауыл шаруашылығы қызметiне айтарлықтай зиян келтiру қаупiнiң алдын алу мақсатында саны реттелуге тиiс түрлеріне енгізілгені белгілі. Алайда, аталған жыртқыштарды арнайы рұқсатсыз аулау заңсыз болып табылады және бұзушылық анықталған жағдайда жауапқа тартылатындығын ескертеміз!
Осы ретте, зиянкес жыртқыштармен күрес жолында жыл сайын берілетін рұқсат қағазын «Е-лицензиялау» порталында өтінім беру арқылы алу қажет. "Саны реттеуге жататын жануарлар түрлерін алып қоюға рұқсат беру" мемлекеттік көрсетілетін қызмет толығымен автоматтандырылған, яғни қызмет көрсетушінің қатысуынсыз өңделіп, жолданады.
Сонымен қатар, өтінім беру барысында қызмет алушы өтінімді тек өз атынан ғана бере алады, «Е-лицензиялау» жүйесінде бұл электрондық цифрлық қолтаңба (ЭЦҚ) арқылы автоматты түрде толтырылады.
Қасқыр мен шибөріні алуға рұқсат алдын ала дайындалған биологиялық негіздеменің негізінде, шектеулі лимит бөліну арқылы берілетінін ескертеміз. Лимит біткен жағдайда рұқсат қағазы берілмейді. Рұқсат ала алмаған жағдайда аңшылық маусымы кезінде тікелей жергілікті аңшылық шаруашылықтарына жүгінуге болады.
Өтінім жіберудегі осы және басқа да өзгерістер жайлы Инспекцияның ресми инстаграм парақшасынан (jetisuoti_lhzhm) толық біле аласыздар, немесе келесі телефондар арқылы — 87083856932, 41-26-19.
Р. АДИЛЬБЕКОВА, Жетісу облыстық орман шаруашылығы және жануарлар дүниесі аумақтық инспекциясының бас маманы.
