Мемлекеттік қызмет көрсету «Жетісу облыстық орман шаруашылығы және жануарлар дүниесі аумақтық инспекциясы РММ басым міндеттерінің бірі болып табылады. Мәселен, инспекция 2 мемлекеттік қызмет түрін көрсетеді:
- «Жануарларды интродукциялауды, реинтродукциялауды және будандастыруды жүргізуге рұқсат беру» (Жануарларды интродукциялау, реинтродукциялау және будандастыру қағидаларын бекіту туралы Қазақстан Республикасы Ауыл шаруашылығы министрінің 2015 жылғы 13 мамырда № 18-02/434 бұйрығы);
- «Саны реттеуге жататын жануарлар түрлерін алып қоюға рұқсат беру» («Саны реттеуге жататын жануарлар түрлерін алып қоюға рұқсат беру» мемлекеттік көрсетілетін қызмет қағидаларын бекіту туралы Қазақстан Республикасы Экология, геология және табиғи ресурстар министрінің 2020 жылғы 30 желтоқсандағы № 347 бұйрығына сәйкес). Мемлекеттік қызмет түрі толық автоматтандырылған.
2025 жылдың есебі бойынша электрондық түрде «Е-Лицензиялау» МДҚ арқылы барлығы 6751 мемлекеттік қызмет көрсетілді. Оның 1249 қызметі оң нәтижемен көрсетілді. Қызмет көрсетуден уәжді бас тартылғандары 5502 қызмет болды, оның басым бөлігі «Саны реттеуге жататын жануарлар түрлерін алып қоюға рұқсат беру» мемлекеттік қызмет бойынша автоматты түрде уәжді бас тартылған. Көрсетілетін мемлекеттік қызметтің сапасын арттыру мақсатында Инспекцияның ресми әлеуметтік желілерінде мемлекеттік қызмет түрлерін алу бойынша ақпарат және алу жолдары көрсетілген бейнеролик орналастырылған.
Сонымен қатар, мемлекеттік қызмет алу сұрақтары бойынша келушілерді ақпараттандыру және қолжетімділікті арттыру мақсатында Инспекция ғимаратында арнайы ақпараттық стенд және өзіне-өзі қызмет көрсету бұрышы орналастырылған.
Мемлекеттік қызметтің сапасын арттыру және олардың уақытылы көрсетілуі тұрақты түрде Инспекция қызметкерлерінің бақылауында.
